Галзуу чоно хүн рүү дайрч, гэмтээжээ 

Өвөрхангай аймгийн Хайрхан дулаан суманд галзуурсан чоно хүн рүү дайрсан тохиолдол гарчээ. Тус аймгийн харьяат иргэн 31 настай, эрэгтэй Ц нь арванхоёрдугаар сарын 26-27-нд шилжих шөнө чононд уруулсан байна. Иргэн Ц-ийн биеийн байдал одоогоор хэвийн байгаа бөгөөд гарын шуундаа шарх авчээ. Сумын эрүүл мэндийн төвөөс иргэн Ц-д анхан шатны тусламж үзүүлж, галзуугийн эсрэг вакцины хийж өгчээ.

Мөн Зоонозын өвчин судлалын төвөөс энэ сарын 2-ны өдөр ийлдэс хүргүүлж, тухайн өдөртөө эмчилгээг эхэлсэн байна. Харин хүн рүү халдсан чоныг устгаж, дээж авч аймгийн Мал эмнэлэгт шинжлүүлэхэд чоно галзуугийн вирус тээж байсан нь тогтоогджээ.