“Mongolia’s Next Top Model” шоуны ялагчаар Б.Анужин, Ч.Чамин-Эрдэнэ нарыг тодрууллаа

“Боловсрол” суваг телевизээс санаачлан зохион байгуулсан “Mongolia’s Next Top Model” /MNTM/ шоу нэвтрүүлгийн ялагчаар Б.Анужин,талийгаач Ч.Чамин-Эрдэнэ нарыг тодрууллаа.Ялагчийг тодруулсан финалын дугаар өчигдөр /2019.01.20/ цацагдлаа.
Ялагчийг тодруулахын өмнө талийгаач Ч.Чамин-Эрдэнийн гэгээн дурсгалд зориулан түүний ярилцлага, нэвтрүүлэгт оролцож байсан үеийнх нь зураг авалтуудаас үзэгчдэд хүргэж, дараа нь зочид болон шүүгчид нэг минут эмгэнэл илэрхийлэн, хүндэтгэл үзүүлсэн юм.

Талийгаач Ч.Чамин-Эрдэний дүү Ч.Чамин-Эрхэст ялагчийн цом болон 20 сая төгрөгийг гардуулан өглөө.

Шоуны ялагч болсон 18 настай Б.Анужин 20 сая төгрөг, Итали улсын Милан хотын загварын агентлагтай гэрээ байгуулах эрхийн эзэн боллоо.