Өглөө.мн Шинэ өглөө, Шинэ мэдээлэл
Сар шинийн баярыг угтан Баянзүрх дүүргийн Засаг даргын тамгын газар дүүргийн хэмжээнд бүх нийтийн их цэвэрлэгээг энэ сарын 26,27-нд зохион байгуулна.
Дүүргийн нутаг дэвсгэрт үйл ажиллагаа явуулж буй аж ахуйн нэгж байгууллагууд орчны 50 метр хүртэлх нийтийн эзэмшлийн зам талбайн цас мөсийг цэвэрлэж, иргэдийн ажиллах, амьдрах таатай орчинг бүрдүүлэх юм.
Аж ахуй нэгж байгууллага ойр орчны 50 метр газар, сууц өмчлөгчдийн холбоод орц болон хариуцсан газрын цас мөс, хог хаягдлыг цэвэрлэж, үерийн хамгаалалт, барилга байгууламж, ус хуримтлагддаг гуу жалга, ус нэвтрүүлэх хоолойд хуримтлагдсан ахуйн гаралтай хог хаягдлыг цэвэрлэх юм. Цэвэрлэгээнд дүүргийн Төрийн захиргааны удирдлагын хэлтэс, Мэргэжлийн хяналтын хэлтсээс хяналт тавих тул иргэдийг их цэвэрлэгээнд идэвхтэй оролцохыг тус дүүрэг уриаллаа.
