“Онцгой Жаргалант” сувилал цахим системийг үйл ажиллагаандаа нэвтрүүллээ

ОБЕГ-ын харьяа Давтан сургалт, сэргээн заслын төвийн “Онцгой Жаргалант” сувилал нь үйл ажиллагаандаа эрүүл мэндийн цахим системийг нэвтрүүлж Монгол Улсад ижил төрлийн үйл ажиллагаа явуулдаг сувиллуудаас анхдагч нь боллоо.

Эрүүл мэндийг цахим системийг нэвтрүүлснээр сувилуулагчдын өвчний түүх, эмчилгээ, шинжилгээ зэрэг мэдээллийг оруулан цахим мэдээллийн санг бүрдүүлэх, сувиллын захиалга болон эмчийн үзлэгийг  цахимаар хийх боломжийг бүрдүүлэн ажиллаж байна.

Ингэснээр сувилалд хэвтэн эмчлүүлэх гэж байгаа алба хаагч, иргэдийн оочер дараалал буурч, эмч, сувилагч нарын ажлын ачааллыг бууруулах зэрэг давуу талыг бий болгоод байна гэж ОБЕГ-ын харьяа Давтан сургалт, сэргээн заслын төвөөс мэдээллээ.