Дуучин Т.Дэлгэрмөрөнгийн найз бүсгүй ХСҮТ-д эмчлүүлэгчдийг дайлжээ

“Солонгон ааштын увидас” гэх өвөрмөц нэртэй хоолны нэвтрүүлгийн хөтлөгчийг дуучин Т.Дэлгэрмөрөнгийн найз бүсгүй Х.Ананда гэдгээр нь олон нийт андахгүй.Тэрбээр өчигдөр /2019.02.26/ өөрийн сэтгэлээ шингээсэн хоолоор Хавдар судлалын үндэсний төв /ХСҮТ/-д туяа эмчилгээ хийлгэж буй эмчлүүлэгчдийг дайлжээ.

Х.Ананда хоёр хоногийн өмнө Баянзүрх захаас хонь, ямааны дунд чөмөг, үхрийн чөмөг ясыг үнэгүй цуглуулж, үхрийн шийр, сүү, гурил зэргийг худалдаж авахад 39600 төгрөг зарцуулж, 30 хүний унд, ясны шөлтэй ядаргаа тайлах самар хунчиртай цай, булууны кальцитай шөл, бүхэл үрийн талх, хоёр төрлийн стүжин хийж өгсөн байна.