”Хурд” нэгдсэн арга хэмжээ сар үргэлжилнэ

Баянзүрх дүүрэг дэх Замын цагдаагийн хэлтсээс зам тээврийн аваар ослоос урьдчилан сэргийлэх ажлыг тогтмол зохион байгуулдаг. Тус хэлтсээс замын хөдөлгөөнд оролцож буй тээврийн хэрэгслийн бүрэн бүтэн байдалд хяналт шалгалт хийж байна. Тодруулбал Дүнжингаравын замд явуулын оношилгоог ажиллуулан утаа ихтэй тээврийн хэрэгслүүдийг шалган, тээврийн хэрэгслийн бүрэн бүтэн байдалд хяналт тавьж байгаа аж.

Тус арга хэмжээний хүрээнд Хонхор, Дүнжингарав, Гачуурт, Улиастайн замд явуулын хурд хэмжигчийн байрлуулан ажиллаж байгаа юм. Иймд замын хөдөлгөөнд оролцож буй жолооч та бүхэн дүрмийн дагуу замын хөдөлгөөнд зөв боловсон оролцоно уу.