“Өглөөний сонин”-ы хоёрдугаар улирлын захиалга явагдаж эхэллээ

“Өглөөний сонин”-ы хоёрдугаар улирлын захиалга улс орон даяар явагдаж эхэллээ.

“Хараат бус мэргэжлийн сэтгүүл зүй”-н төлөө “Өглөөний сонин”  Монголын сэтгүүл зүйн салбарт өндөр үүдээ өргөж, өрхөө татсан цагаас хойш 13 жилийн турш, 1580 үүрийн шаргал гэгээг уншигч тантай угтаж байгаадаа таатай байна.  Өнгөрөгч хугацаанд өөрийн өнгө төрх, нийтлэлийн бодлогоо хадгалахын зэрэгцээ мэргэшсэн сэтгүүлчдийн ур чадвар, мэдлэг боловсролоор далайлгаж бүтээсэн даацтай бүтээл, мэдээ мэдээллүүдээр уншигчдын талархлыг хүлээж ирсэн шигээ цагийн цагт талархалд тань багтаж явахаа илэрхийлье.

Улс төр, нийгмийн ороо бусгаа цагт нийтлэлийн бодлогоосоо хазайхгүй “Шударга өнцөг”-өөр уншигч танаа хүрэх чин хүсэлтэй мэргэжлийн мэргэшсэн баг хамт олны зүгээс ч уншигч таны сонирхсон мэдээ мэдээлэл, нийтлэл ярилцлага, сурвалжлага найруулал, хөрөг тэмдэглэл гээд сэтгүүл зүйн бүхий л төрлөөр уншигч таны оюун санаанд зочлох болно.

Та бидний унаган голомт Монгол Улс, эх оронд минь ажиллаж, амьдарч байгаа гадаадын иргэд гээд дөрвөн зүг найман зовхист өглөөний ургах нарыг түүчээлэн очих “Өглөөний сонин”-оос  улс төр, нийгэм эдийн засаг, соёл урлаг, шашин зан үйл, мал аж ахуй, газар тариалан, дэлхийн сонин хачин гээд таны мэдвэл зохих бүхий мэдээ мэдээллийг “хараат бус мэргэжлийн түвшинд” “шударга өнцөг”-өөр хүргэхээр баг хамт олон маань ажиллаж байна.

Үүнээс гадна уншигч таны ярилцаад суух юмсан, мэнд мэдэх юмсан хэмээн хүсдэг алдар суутнуудыг ч “Өглөөний сонин”-оор дамжуулан байнга уулзуулахын зэрэгцээ таны засч залруулахсан хэмээн нүд сэтгэлдээ эмзэглэж явдаг бүхнийг тал талын эх сурвалжаар сэтгүүл зүйн бүхий л төрлөөр хамтдаа засч эмчлэхийн төлөө ажиллана. Тэгэхээр уншигч та үүр үүрийн шаргал гэгээг “Өглөөний сонин”-ы сонин хачинтай хамт сэтгэл оюундаа асаая гэвэл  манай сонины улиралд гарах 64 дугаарын захиалгын үнэ 22500 төгрөг юм. Хамтдаа уншъя, мэдье, хөгжье.

“ӨГЛӨӨНИЙ СОНИН”-ы редакци