Хоёр шүүгчийн бүрэн эрхийг түдгэлзүүлжээ

Монгол Улсын Ерөнхийлөгч Х.Баттулга зарлиг гаргаж хоёр шүүгчийн бүрэн эрхийг түдгэлзүүлжээ. Тодруулбал, Чингэлтэй дүүргийн анхан шатны шүүгч С.Батжаргал, Өмнөговь аймгийн Эрүү, Иргэний хэргийн давж заалдах шатны шүүхийн шүүгч П.Долгормаа хоёрын бүрэн эрхийг түдгэлзүүлсэн байна. Дээрх хоёр шүүгч гэмт хэрэгт холбогдсон учир албан тушаалаас нь чөлөөлж, шүүгчийн бүрэн эрхийг нь түдгэлзүүлж байгаад хэргийг шалгах, мөрдөн байцаах үндэслэлтэй гэж Шүүхийн ерөнхий зөвлөлөөс саналаа хүргүүлсэн юм.