Өглөө.мн Шинэ өглөө, Шинэ мэдээлэл
Энэ сарын 11-ний өдөр “Хүүхдийн ордонд чуулганд оролцоно” хэмээн гэрээсээ гарсан 17 настай охин алга болжээ. Ар гэрийнхэн нь охиныг сураггүй болсноос нь хойш нийтдээ найман хоног байж болох бүхий л газраар хайсан аж.
Энэ талаар албаны эх сурвалжаас тодруулахад: Алга болсон охин өчигдөр буюу дөрөвдүгээр сарын 17-ны өдөр гэртээ ирсэн байна. Охины ээжтэй утсаар холбогдон лавлахад “Үеийнх нь найзууд ажил хийгээд байхаар охин минь ажил хийж үзэхээр зоогийн газарт зөөгчөөр орсон юм билээ. Тухайн зоогийн газар нь ажилчдаа байрлуулж ажиллуулдаг юм байна. Өчигдөр миний фэйсбүүк дээр тавьсан мэдээллийн дагуу нэг хүн залгаад “Охин чинь “Алтжин бөмбөгөр”-ийн ойролцоох зоогийн газарт зөөгчөөр ажиллаж байна” гэж хэлсэн” гэв. Ямар нэгэн дарамтанд орсон, хүний эрхшээлд байсан асуудал шалгалтаар тогтоогдоогүй байна гэлээ.
