Өглөө.мн Шинэ өглөө, Шинэ мэдээлэл
Хүүхдийн баярын өдөр нийслэлийн хэмжээнд 1,200 гаруй цагдаагийн алба хаагч хамгаалалтад ажилласан байна. Баярын өдөр нийт 130 хүүхэд төөрснийг олж, эцэг, эх болон холбогдох газруудад хүлээлгэн өгчээ.Тодруулбал, Сүхбаатарын талбайд 91, Хүүхдийн паркад 14, Үндэсний цэцэрлэгт хүрээлэнд 25 нийт 130 хүүхэд төөрчээ.
Эдгээрээс 127 хүүхдийг эцэг, эхэд нь, Нийслэлийн Гэр бүл, хүүхэд, залуучуудын газартай хамтран хоёр хүүхдийг хүүхэд хамгааллын хариу үйлчилгээнд хамруулахаар 108 түр хамгаалах байранд хүргүүлж, нэг хүүхдийг дүүргийн Гэр бүл, хүүхэд, залуучуудын хэлтэст хүлээлгэн ѳгч ажилласан тухай Цагдаагийн Ерөнхий газраас мэдээллээ.
