Орон нутгийн замд ослоос урьдчилан сэргийлэх шалгалт хийжээ

“Орон нутгийн зам хөдөлгөөний соёл” урьдчилан сэргийлэх нэгдсэн арга хэмжээний хүрээнд “Яараад яахав дээ” уриатай аян өнгөрсөн амралтын өдөр боллоо.

Уг аяныг ЦЕГ-ын Урьдчилан сэргийлэх хэлтэс, Тээврийн цагдаагийн алба, “Landcruiser”, “Уаз 469” авто клубүүд олны танил эрхмүүд нэгдэн Улаанбаатар хотоос орон нутгийн чиглэлд хөдөлгөөнд оролцож буй жолооч, зорчигч нарт зам тээврийн хэрэг, ослоос урьдчилан сэргийлэх чиглэлээр хяналт шалгалт, мэдээ мэдээлэл хүргэх ажлыг зохион байгуулан ажиллалаа.