Эхнэрээ хөнөөгөөд зугтсан этгээдийг баривчилжээ

Есдүгээр сарын 3-4-нд шилжих шөнө нийслэлийн Сүхбаатар дүүргийн 12 дугаар хорооны нутаг дэвсгэрт байрлах нийтийн байранд нөхөр нь эхнэрийгээ хөнөөгөөд зугтсан хэрэг гарсан. Тодруулбал, тухайн шөнө Ч.Баярсайхан гэгч нь согтуурсан үедээ эхнэрээ хоёр удаа хутгалж хөнөөгөөд зугтсан байдаг.

Түүнийг цагдаагийн байгууллагаас эрэн сурвалжилж байсан бол есдүгээр сарын 07-нд буюу өнгөрсөн бямба гарагт 13:30 цагт Сүхбаатар дүүргийн цагдаагийн хоёрдугаар хэлтсийн алба хаагчид баривчилжээ.