Өглөө.мн Шинэ өглөө, Шинэ мэдээлэл
Азийн 16 хүртэлх насны АШТ-ний урьдчилсан шатны тэмцээн энэ сарын 14-ний өдрөөс 22-ны өдрүүдэд БНСВУ-ын нийслэл Ханой хотноо болж байна. Энэхүү тэмцээнд Монголын хөлбөмбөгийн өсвөрийн шигшээ багийн тамирчид өрсөлдөж байна. Тэмцээний өмнөх бэлтгэлээ манай “Залуу чононууд” баг Малайз улсад 8-р сарын 31-ээс 09-р сарын 10-ыг хүртэл хангасан бөгөөд тус тэмцээний “Н” хэсэгт Австрали, Вьетнам, Зүүн Тимор, Макаогийн багуудтай өрсөлдөх сугалаа таарсан.
Манай Өсвөрийн шигшээ баг энэ 9 сарын 14-ний өдөр Макаогийн багтай тоглож 1:0 харьцаагаар хожиж тэмцээний гараагаа амжилттай эхлэв. Харин 9 сарын 16-ны өдөр Австралийн хүчтэй багтай тоглож 2:1 харьцаагаар, 9 сарын 18-ны өдөр талбайн эзэн Вьетнамын багт 7:0 харьцаатай хожигдол хүлээв. Одоо 9 дүгээр сарын 22-ны өдөр Зүүн Тиморын багтай тоглоно.
Монгол Улсаас БНСВУ-д суугаа Элчин сайдын яамны хамт олны төлөөлөл болон Ханой хотод суралцаж буй оюутнууд “Залуу чононууд” багаа урьдчилсан шатны шалгаруулалтын тоглолтуудад уухайлан дэмжиж байна.
