69 дахь удаагийн “Дэлхийн мисс”-ийн тэмцээнд Монгол Улсаа төлөөлөн оролцож байгаа Мандахын Цэвэлмаагийн “Эрүүл Монгол-Эрүүл Дэлхий” төсөл “ Хүмүүнлэг”миссийн ТОП-10 т шалгарлаа.
Дэлхийн миссийн тэмцээн нь хүмүүнлэгийн ажил, авьяас, спорт, топ модель, олон нийтийн санал, дэлхийн бүжиг, асуулт хариултын уралдаан гэсэн үндсэн долоон төрөлд дэлхийн 130 гаруй улсын миссүүдийг өрсөлдүүлдэг билээ.
Тэгвэл Дэлхийн миссийн “Хүмүүнлэг” миссийн тодруулах шалгаруулалт өчигдөр Английн Лондон хотноо явагдаж Монгол Улсаа төлөөлөн оролцож байгаа Мандахын Цэвэлмаагийн “Эрүүл Монгол-Эрүүл Дэлхий” төсөл “ Хүмүүнлэг”миссийн ТОП-10 т шалгарсан байна.
Мисс Мандахын Цэвэлмаа нь дэлхийн миссийн хүмүүнлэгийн ажлын хүрээнд, Монгол Улс дахь нас баралтын тэргүүлэх шалтгаан болох элэгний өвчлөлийг бууруулах, өвчний эрт илрүүлгийн үед оношлох зорилгоор “Эрүүл Монгол-Эрүүл Дэлхий” төслийг санаачлан хэрэгжүүлсэн.
Тухайлбал, элэг шилжүүлэн суулгах нэн шаардлагатай 17 настай охиныг хагалгаанд оруулж, хагалгааны дараах зардлыг хандивын аян өрнүүлэн бүрдүүлжээ. Мөн элэгний В,С вирусээс урьдчилан сэргийлэх вакцинд 486 хүнийг хамруулж, тус вирусээр халдварласан тохиолдолд даатгалын системд хамрагдах боломж бий болгох зэрэг чиглэлээр үе шаттай ажил хийсэн нь ийнхүү үнэлэгджээ.