Өглөө.мн Шинэ өглөө, Шинэ мэдээлэл
Нийслэлийн өдрийг жил бүрийн 10 дугаар сарын 29-ний өдөр тэмдэглэдэг. Тэгвэл Нийслэлийн Засаг даргын тамгын газраас Улаанбаатар хотын төрсөн өдрийн өмнө их хотынхоо “нүүр”-ийг угаах даалгавар өгсөн байна. Энэ дагуу Улаанбаатар хотын Захирагчийн ажлын албанаас аравдугаар сарын 26-ны бямба гаригийг бүх нийтийн цэвэрлэгээний өдөр болгон зарлажээ.
Ингэхдээ төр захиргааны байгууллагууд хариуцаж авсан хуваарьт талбайгаа цэвэрлэх бол нийслэлийн дүүргүүд тухайн нутаг дэвсгэрт үйл ажиллагаа явуулдаг аж ахуйн нэгж, байгууллага, иргэдийг зохион байгуулж, цэвэрлэгээнд гаргаж байна.
