Налайх дүүргийн боловсролын байгууллагаас 2000 ширхэг амны хаалт хийж дүүрэгтээ хүлээлгэн өглөө

2020 оны 3 сар 4 / 12 цаг 38 минут Нийгэм

Ковид-19 халдварын улмаас амны хаалт дутагдагдалтай байгаа энэ үед Налайх дүүрэгт үйл ажиллагаа явуулдаг аж ахуйн нэгж, албан байгууллага, иргэд амны хаалтыг дотооддоо үйлдвэрлэн, дүүргийн Онцгой комисст хандивлаж байна.
Өнөөдөр Налайх дүүргийн Боловсролын байгууллага, сургууль цэцэрлэгээс 2000 ширхэг амны хаалт хийснийг Боловсролын хэлтсийн дарга Д.Отгонжаргал, 23 дугаар цэцэрлэгийн эрхлэгч Ц.Тунгалаг нар дүүргийн Онцгой комиссын дарга Ч.Раднаабазарт хүлээлгэн өглөө.

Мөн 23 дугаар цэцэрлэгийн багш ажилчид нэг өдрийн цалин болон 600 гаруй мянган төгрөг хандивласан байна.
Ковид-19 вирусын эсрэг хүчээ нэгтгэн, манлайлж байгаа боловсролын салбарын хамт олондоо талархлаа илэрхийлж ажлын амжилт хүсэн ерөөе.