Өглөө.мн Шинэ өглөө, Шинэ мэдээлэл
Монгол Улсад коронавирусний анхны халдвар бүртгэгдсэнтэй холбоотойгоор Мэргэжлийн хяналтын ерөнхий газрын дарга П.Цагаанхүү нөхцөл байдлын талаар мэдээлэл хийлээ.
МХЕГ-ын дарга П.Цагаанхүү “Өглөөний 04:00 цагаас эхлээд тухайн хүний явсан газрыг тодорхойлох ажил хийгдэж байна. Мэргэжлийн хяналтын байгууллага, ЭМЯ, ХӨСҮТ-ээс тодорхой ажлууд үргэлжилж байна.
Халдвар авсан тухайн иргэн нь энэ сарын 2-нд ирээд Баянгол зочид буудалд байрласан. Мөн ойролцоо байрлах Ариг, Веранда гэх мэт ресторанаарүйлчлүүлсэн байна. Бүх явсан газруудаар нь хяналт шалгалт явуулж байгаа. Онгоцоор нийт 121 хүн ирсэн.
Эрүүл мэндийн сайдын захирамжаар Ажлын хэсэг өглөө гарч Дорноговь аймгийн Улаанбадрах суманд ажиллахаар явсан. Халдвар авсан иргэн нь Дорноговь аймгийн Улаанбадрах сумын нутагт үйл ажиллагаа явуулж буй “Бадрах Энержи” компанийн кемпэд тусгаарлагдсан. Бид хуулийн хүрээнд хяналт шалгалтыг чангатгаж ажиллаж байна” гэлээ.
