Нийслэлийн 7 цэгт зад хямдралтай худалдаа явагдаж байна

Хямдралтай худалдаанд 50 гаруй аж ахуйн нэгж оролцож байгаа бөгөөд Хан-Уул дүүрэгт Яармаг худалдааны төв, Сүхбаатар дүүрэгт 15-р хорооны талбай, Сонгинохайрхан дүүрэгт  Ханын материал, Дүүхээ төвийн талбай, Баянгол дүүрэгт Энэбишийн гудамж, Чингэлтэй дүүрэгт “Нарантуул-2” худалдааны төв талбай, Баянзүрх дүүрэгт Жуковын талбай болон Их эзэн Чингисийн талбайд болж байгаа юм.

хямдралтай худалдаанд оролцож буй аж ахуй нэгжүүд бараа бүтээгдэхүүнээ 20-60 хувь хЮртэл хямдруулж байгаа аж. Тодруулбал, “Махмаркет” ХХК 50 тн хонины мах  1кг – 3700 төгрөг,  ямааны мах 1кг – 2700  төгрөг, дайврын таташ 1кг – 1100 төгрөгөөр цэг бүрт зарж байгаа бол “Говь” компани 60 хүртэл хувийн хямдрал зарлаад байгаа юм. Мөн “Алтан жолоо трейд” ХХК-аас БЗД-ийн Хүүхэд асран хүмүүжүүлэх төвийн хүүхдүүдэд  иж бүрэн тоглоом, “Дархан нэхий” ХК  зам талбайн үйлчлэгч нарт ажлын бээлий бэлэглэж, “Макс хүнс” ХХК-аас Асрамжийн газрын 20 хүүхдэд  500 мянган төгрөгийн хадгаламж бүхий “Хадгаламжийн дэвтэр” гардуулахаар болжээ.