Олон нийтийн жагсаал Лукашенкод шахалт үзүүлсээр байна

2020 оны 8 сар 31 / 16 цаг 48 минут Гадаад мэдээ

Беларусын Ерөнхийлөгч Александр Лукашенкогийн эсрэг хэдэн арван мянган хүн дахин гудамжинд гарч жагссаар байна.

Цагдаагийн томоохон бүрэлдэхүүн Минск хотын Тусгаар тогтнолын талбайг бүсэлж, 140 орчим жагсагчыг баривчилжээ.

Наймдугаар сарын 9-нд болсон сонгуулийг луйвардсан гэж олон нийт үзэж эсэргүүцлийн жагсаал өрнүүлсээр байгаа.

26 жилийн турш засгийн эрх барьж буй ноён Лукашенко огцрох бодолгүй байгаагаа мэдэгдэж, сонгуулийн луйврыг үгүйсгэж байгаа ажээ.