Өглөө.мн Шинэ өглөө, Шинэ мэдээлэл
Өөрийгөө хянах зорилгоор COVID-19 вирус илрүүлэх шинжилгээ өгөхөд төлбөр авахгүй. Харин гадаад улс руу явж байгаа иргэд төлбөртэй шинжилгээ өгч, тамга тэмдэгтэй бичиг авч байгаа гэдгийг ХӨСҮТ-ийн ерөнхий захирал Д.Нямхүү хэллээ.
Иргэд ХӨСҮТ-ийн Яаралтай тусламжийн хэсэгт болон хойд, урд хаалган дээр яг одоо барьж байгаа сорьц авдаг явуулын кабинд очоод шинжилгээ өгч болох юм байна.
Үргэлжлүүлэн Д.Нямхүү захирал сэтгүүлчийн асуултад хариуллаа.
– Халдвар авсан сувилагч, эмчийн талаар мэдээлэл өгөөч. Биеийн байдал нь ямар байгаа вэ?
– Халдвар авсан сувилагч 31 настай, эмч 27 настай залуу хүмүүс. Аль алиных биеийн байдал нь сайн байгаа.
Хамт олон эмч нар иргэд сайхан үг хэлж, урам өгч байгаа учраас эмчилгээ үр дүнтэй байгаа.
– Халдвар илэрсэн иргэний хавьтлыг тогтоох ажил үргэжилж байгаа юу?
– Хяналтын шинжилгээний хариу гарсны дараа цагдаа, тагнуулын байгууллага маш шуурхай хаягийг тогтоож, тухайн айлд гэрээсээ гарахгүй байх мэдэгдлийг хүргэсэн. Бид зориулалтын хувцас, тоног төхөөрөмжтэй багаа явуулж аваад, хавьтлуудыг тогтоох ажил шөнөжин үргэлжиллээ. Энэ ажил цаашдаа ч үргэлжилнэ.
