Баян-Өлгий аймгийн онцгой байдлын албан хаагч эргүүлийн үүрэг гүйцэтгэж яваад хүний амь аварчээ

• 

  Баян-Өлгий аймгийн Өлгий сумын нэгдүгээр багийн “Наран шарлага” гэдэг газар “Ховд” голын усанд хүн унасан тухай дуудлага 11 дүгээр сарын 20-ны өдрийн 15:22 цагт Онцгой байдлын газарт ирсэн байна.

  Дуудлагын дагуу Онцгой байдлын газрын Гал түймэр унтраах, аврах 31 дүгээр ангийн алба хаагчид 2 км замыг туулан очиход эргүүлийн үүрэг гүйцэтгэж байсан тус ангийн Гал унтраах автомашины жолооч, ахлах ахлагч Е.Серикжан  тус иргэний амийг аварч, эсэн мэнд гаргасан байжээ.

Тус иргэн нь амиа хорлохыг завдсан байж болзошгүй бөгөөд голын ус бүрэн хөлдөөгүй, урсгал ширүүн байсан учир амиа алдах эрсдэл өндөр байсан гэж Баян-Өлгий аймгийн Онцгой байдлын газраас мэдээллээ.