АНУ, ХБНГУ-ын эмийн компаниуд вакцинаа зах зээлд гаргах өргөдлөө дэвшүүлжээ

Вакцинаа зах зээлд гаргах өргөдлөө дэвшүүлжээ 12-р сарын 1-нд, Европын Комиссын ерөнхийлөгч болж буй Урсула фон дер Лейен хэлэхдээ, ЕХ-ны 27 гишүүн орон энэ оны эцсээр хэсэг иргэддээ Ковид-19-ийн вакцин тарих боломжтой байгаа боловч их цар хэмжээгээр вакцинжуулахаас өмнө хүмүүс цар тахлаас урьдчилан сэргийлэх дүрэм тогтоолыг үргэлжлэн сахих хэрэгтэй.

АНУ, ХБНГУ-ын эмийн компаниуд вакцинаа зах зээлд гаргах өргөдлөө ЕХ-ны хяналт удирдлагын байгууллагад өргөн мэдүүлжээ. Одоогоор ЕХ-ны бараг бүх гишүүн оронд Ковид-19 цар тахлын хоёр дахь давлагаа буюу хоёр дахь халдварын ид үе эхлээд байна. Хэдийгээр улс орнууд хатуу арга хэмжээ авсан ч халдварыг үр дүнд тогтоон барьж чадаагүй байна. Ийм нөхцөлд вакцинжуулалт нь урьдчилан сэргийлэх, хяналтдаа авах үндсэн өөрчлөлт авчирна гэж найдан, вакцин худалдан авах, вагцинжуулах ажлыг түргэтгэж байна. ЕХ-ны дүрэм тогтоолын дагуу, Ковид-19-ийн вакциныг зах зээлд гаргахаас өмнө Европын Эм бэлдмэлийн хяналт удирдлагын газраас зөвшөөрөл авах ёстой юм.