Өглөө.мн Шинэ өглөө, Шинэ мэдээлэл
Дэлхийн бөхийн нэгдсэн холбооны “Алдрын танхим”-ын гишүүн, олимп, дэлхийн аварга Дэн Гейбл АНУ-ын хоёр дээд шагналын нэг “Эрх чөлөөний медаль”-аар шагнуулав.
Өдгөө 72 настай тэрбээр эхнэр, үр хүүхэд, ач зээ нарын хамт “Цагаан ордон”-д зочилж ерөнхийлөгч Дональд Трампаас гардан авчээ.
Спортын алдартнуудаас Жесси Оуэнс, Бейб Рут, Пол Брайант, Пэт Саммит, Жон Вуден нар тус шагналыг хүртжээ.
Дэн Гейбл XX зууны АНУ-ын чөлөөт бөхийн шилдэг тамирчин, дасгалжуулагчаар тодорсноос гадна тус улсын шилдэг 100 тамирчны жагсаалтад багтсан. Түүний шавь нараас олимпийн 4 алт, 1 мөнгө, 3 хүрэл медальтан төрсөн юм.
