Өглөө.мн Шинэ өглөө, Шинэ мэдээлэл
Энэ сарын 2-нд Багануур дүүрэгт сэтгэцэд нөлөөлөх канабис төрлийн ургамал хэрэглэж байсан 16-23 насны 6 залуусыг цагдаагийн байгууллагаас саатуулсан. Тэдний хоёр нь эмэгтэй байсан ажээ.
Тус дүүрэгт дахин хэрэг гарсан байна. Тодруулбал, тус дүүргийн нэгдүгээр хорооны …. дугаар байрны … тоотод хориглосон сэтгэцэд нөлөөт бодис хадгалж, хэрэглэж байна гэсэн мэдээлэл оршин суугчдын зүгээс иржээ. Мэдээллийн дагуу шалгахад тус тоотод оршин суух 33 настай С, 33 настай эмэгтэй Б, БЗД-ийн 28 дугаар хороо, Хужирбуланд оршин суух хаягтай 26 настай Э нар сэтгэцэд нөлөөт канабис өвсний төрлийн ургамлыг хэрэглэж, хадгалж байжээ. Хэрэглэсэн канабис ургамлыг эд мөрийн баримтаар хураан авч, хэргийг тус дүүргийн цагдаагийн байгууллага шалгаж байна.
