Хот хоорондын нийтийн тээврийн үйлчилгээг энэ сарын 23-наас эхлүүлэх бэлтгэлээ хангажээ

• 

Хот хоорондын нийтийн тээврийн үйлчилгээг энэ сарын 23-ны өдрөөс нээх бэлтгэл ажлаа хангасан талаар Авто тээврийн үндэсний төвөөс мэдээллээ.

“Ковид-19” цар тахал гарсантай холбогдуулан “Бүх нийтийн бэлэн байдлын зэрэг”-т шилжиж 2021 оны 02 дугаар сарын 11-ний өдрийн 06:00 цагаас 2021 оны 02 дугаар сарын 23-ний өдрийн 06:00 цаг хүртэл хатуу хөл хориог тогтоосон.

Бүх нийтийн бэлэн байдлын зэрэг 2021 оны 02 дугаар сарын 23-ний өдрөөс дуусгавар болж байгаатай холбогдуулан Хот хоорондын нийтийн тээврийн үйлчилгээг 2021 оны 02 дугаар сарын 23-ний өдрөөс эхлүүлэх аж.