Өглөө.мн Шинэ өглөө, Шинэ мэдээлэл
Гуравдугаар сарын 01-ний өдрөөс хот хоорондын зорчих хөдөлгөөн нээгдэж, PCR /ПГУ/ шинжилгээ өгсөн иргэд орон нутаг руу зорчих боломжтой болсон билээ.
Өнгөрсөн 24 цагийн хугацаанд Эмээлт, Баруун турууны шалган нэвтрүүлэх товчоодоор 876 тээврийн хэрэгслээр 2381 зорчигч хот руу нэвтэрч, 1095 тээврийн хэрэгслээр 2617 зорчигч хотоос гарсан байна.
Авто тээврийн шалган нэвтрүүлэх хоёр товчоонд эрүүл мэнд, онцгой байдал, цагдаа, мал эмнэлэг, мэргэжлийн хяналтын 35 ажилтан үүрэг гүйцэтгэж ажиллажээ. Хяналтын явцад сэжигтэй тохиолдол бүртгэгдээгүй байна. Мөн зөвшөөрөлтэй 152.55 тонн нүүрсийг есөн тээврийн хэрэгслээр зөөвөрлөжээ.
