Цаатан иргэд мөнгөн тэтгэмжээ авч эхэллээ

 Засгийн газраас үндэсний цөөнх хэмээгддэг Цаатан иргэдийн амьдралыг дээшлүүлэх, тэдний боловсрол, нийгмийн хамгааллыг сайжруулах зорилгоор мөнгөн тэтгэмж олгох шийдвэр гарсан билээ. Энэ дагуу Цаатан иргэдэд 6-р сарын нэгнээс эхлэн Хангайн бүсийн амьжиргааны доод түвшин 130900 төгрөгтэй тэнцэх мөнгөн тэтгэмжийг олгож эхэлжээ.

Тодруулбал, шийдвэр дагуу тайгад амьдардаг 18 хүртэлх насны цаатан хүүхдэд Хангайн бүсийн амьжиргааны доод түвшингийн 50 хувьтай тэнцэх 65450 төгрөгийг сар бүр авч байхаар болсон. Харин насанд хүрсэн иргэд амьжиргааны доод түвшингийн хэмжээгээр сар бүр 130900 төгрөг авах юм.

Г.Сонор.ugluu.mn