Б.Ууганбаяр:512 хүнд (covid-19) халдвар илэрч, 5 иргэн нас барлаа

Коронавируст халдвар (covid-19)-ын нөхцөл байдлын өнөөдрийн /2021.05.12/ 11:00 цагийн мэдээллийг ЭМЯ-ны хэвлэлийн төлөөлөгч Б.Ууганбаяр өглөө.

ЭМЯ-ны хэвлэлийн төлөөлөгч Б.Ууганбаяр:Улсын хэмжээнд сүүлийн 24 цагт 512 хүнд коронавируст халдвар илэрлээ.

Монгол Улсын хэмжээнд нийт батлагдсан халдварын тохиолдол 46448 болсон байна.

Сүүлийн 24 цагт 1503 хүн эдгэрсэн. Ингэснээр нийт эдгэрсэн хүний тоо 35733 боллоо.

Шинээр илэрсэн 512 тохиолдлын 464 нь Улаанбаатар хотод, хөдөө орон нутагт 48 бүртгэгдлээ.

Харамсалтай нь сүүлийн 24 цагийн хугацаанд 5 иргэн нас барж, улсын хэмжээнд нийтдээ 184 хүн коронавирусийн халдвараар нас бараад байна.

Улсын хэмжээнд өнөөдрийн байдлаар нийтдээ 4806 хүн эмнэлэгт хэвтэн эмчлэгдэж байгаагаас хөнгөн 2631, хүндэвтэр 1506, хүнд 548, маш хүнд 121 хүн байна.