Хятад улс Ковид-19-ийн дотоод, гадаадын нөхцөл байдлыг харгалзан аюулгүй байдлыг хангасны дараа оюутнуудыг хилээр нэвтрүүлэхээ мэдэгджээ

БНХАУ-д суралцах оюутнууд хилээр хэрхэн нэвтрэх боломжтой тухай ГХЯ-наас мэдээлэл өглөө.

Коронавирус халдвар /Ковид-19/ цар тахлын нөхцөл байдлаас шалтгаалан БНХАУ-ын ГХЯ, Улсын Цагаачлалын удирдлагын газар 2020 оны 9 дүгээр сарын 23-ны өдөр “Хөдөлмөр эрхлэх, гэр бүлийн зорилгоор оршин суух, хувийн зорилгоор орших суух зөвшөөрөлтэй гадаадын иргэдийг хилээр нэвтрүүлэх тухай” шийдвэрийг гаргасан бөгөөд энэхүү шийдвэр нь өнөөдрийг хүртэл хүчин төгөлдөр үйлчилж байна.

/Ингэхдээ дээрх зорилгоор ирэх гадаад улсын иргэд нь тусгаарлан ажиглах байрны хүрэлцээ хангамж болон бусад холбогдох байгууллагуудын зөвшөөрөлтэй байх шаардлагатай юм./

Иймд БНХАУ-ын их, дээд сургуульд суралцагч гадаад улсын оюутнууд тус улсад зорчих боломжгүй байгаа бөгөөд коронавирус халдвар /Ковид-19/ цар тахлын дотоод, гадаадын нөхцөл байдлыг харгалзан коронавирус халдвар /Ковид-19/-аас урьдчилан сэргийлэх аюулгүй байдлыг бүрэн хангасны дараа гадаад улсын оюутнуудыг улсын хилээр нэвтрүүлэх ажлыг зохион байгуулах боломжтой талаар Хятадын тал мэдэгдсэн болно”гэв