Өглөө.мн Шинэ өглөө, Шинэ мэдээлэл
Өмнөговь аймаг баяр наадамд төсөвлөсөн зардлаасаа “КОВИД 19” халдварыг илрүүлэх шинжилгээнд зориулахаар шийдвэрлэлээ.Мөн Өмнөговь аймгийн иргэд Файзер, Спу́тник V, Астразенека, Вероцелл дөрвөн төрлийн вакцинаас сонгож хийлгэх боломжтой болсон байна.
Энэ талаар Өмнөговь аймгийн Засаг дарга Р.Сэддорж“Өмнөговь аймгийн хэмжээнд харьяаллын иргэдийнхээ шинжилгээг үнэ төлбөргүй болгож байна. Баяр наадмын зардалд батлагдсан төсвийг түргэвчилсэн оношлуур болон PCR шинжилгээг үнэ төлбөргүй болгох зардалд шилжүүлж төсвийн тодотголд оруулан батлуулах шийдвэр гаргалаа. Өдөр бүр халдварын тохиолдол бүртгэгдэж байгаа энэ цаг үед өөрийгөө хамгаалах урьдчилан сэргийлэх, илрүүлэх зэрэгт энэ шийдвэр үр дүнгээ өгнө гэж үзэж байна.
90 жилийн түүхэндээ Өмнөговьчууд бид дэлхийг хамарсан цар тахалтай нүүр тулж байна, Иймд хамтын хүчээр эсэн мэнд даван туулж энх цагтай золгохын төлөө хүн бүрийн хичээл зүтгэл чухал байна”гэж мэдэгдлээ.
