90 настай өвгөний амийг хороож хэл, зүрхийг нь иджээ

Энэ сарын 15-ны өдөр Франц улсын Ноуилхан хэмээх тосгонд 90 настай өвгөний амийг хороож, хэл зүрхийг нь идэж улмаар шатаахыг завдсан аймшигт хэрэг гарчээ.

Тодруулбал, эл хэргийг 26 настай ганц бие эрэгтэй үйлдсэн бөгөөд хөгшний толгойд хүнд төмрөөр цохиж унаган  хэл, зүрхийг нь сугалж идсэн гэнэ. Гэмт этгээд хэргийг үйлдэхдээ ямар нэгэн байдлаар мансуураагүй цоо эрүүл байсан бөгөөд шинжилгээгээр ч түүнийг оюун санааны өөрчлөлттэй гэсэн онош гараагүй байна.

Залуу яагаад өөрийгөө ч асрах тэнхэлгүй хөгшин өвөөг хороох болсон шалтгаанаа “намайг нэг далдын хүч энэ бүгдийг хийхийг шаардсан” гэж мэдүүлсэн аж. Энэ аймшигт хэрэг нь “Хурга майлхаа болино” хэмээх киноны үйл явдалтай адилхан байгаа гэнэ.