Өмнөговьд үер буужээ

Тус аймгийн Даланзадгад сумын Баруунсайхан, Баянбулаг, Гурвансайхан, Хан-Уул, Цагаанбулаг багт долдугаар сарын 18-ны өдрийн 12:00-19:50 цагийн хооронд усархаг аадар оржээ. Үүний улмаас 19 айлын байшин, гэр, хашаа уруйн үерт автсан аж. Энэ тухай дуудлагыг аймгийн Онцгой байдлын газар мөн өдрийн 18:25 цагт хүлээн авсан байна.

Улмаар ОБГ-ын алба хаагчид, сумын ЗДТГ-ын ажилтнууд, Ерөнхий зориулалтын мэргэжлийн ангийнхан мөн өдрийн 16:00 цагаас долдугаар сарын 19-ний өдрийн 03:00 цагийн хооронд арван тонн уруйн үерийн усыг мотопомпоор соруулан, ус зайлуулах хоёр метр шуудуу татаж, дөрвөн метр авто замыг сэтлэн үерийн ус урсгасан гэнэ.