МУГТ Э.Цэндбаатар ДАШТ-д оролцох хүсэлтээ МҮОХ-нд гаргалаа

Монгол Улсын гавьяат тамирчин Э.Цэндбаатар өнөөдөр Дэлхийн аварга шалгаруулах тэмцээнд оролцох хүсэлтээ Монголын Үндэсний Олимпын хороонд хүргүүллээ.

Хүсэлтээ МҮОХ-ны тэргүүн дэд ерөнхийлөгч Б.Баттүшиг, Тамирчдын комиссын дарга, Гавьяат тамирчин Д.Отгондалай нарт өгөхөөр МҮОХ-нд очиход тэд ажил дээрээ байсангүй. Улмаар МҮОХ-ны дэд ерөнхийлөгч Ч.Наранбаатарын нарийн бичигт өглөө.

МУГТ Э.Цэндбаатар “Би өөрийгөө хэн болохыг харуулмаар байна. Энэ миний хамгийн сүүлчийн ДАШТ. Дараа нь ямар ч эргэлзээгүйгээр мэргэжлийн дэвжээнд өрсөлдөнө. Токиогийн олимпод намайг ялсан Оросын тамирчин ДАШТ-д 60 кг-д оролцоно. Түүнийг ялж, даагаа нэхмээр байна” гэлээ.