Будапешт-Улаанбаатарын нислэгээр 29 иргэн эх орондоо иржээ

Будапешт-УБ чиглэлийн MR89 рейсийн агаарын хөлөг өчигдөр 07:34 цагт Чингис хаан нисэх буудалд газардлаа.
Тус нислэгээр 29 зорчигч, 1190 кг тээштэй буусан байна. Коронавируст халдвар /Ковид-19/-ын эсрэг вакцины бүрэн тун хийлгээд 14 хоносон 26, дагаж гарсан хүүхэд 3, нийт 29 зорчигчийг энгийн горимоор хил нэвтрүүлж, гэрийн ажиглалтад шилжүүллээ.
Нийт 27 хүнээс ХӨСҮТ-ийн 8 хүний бүрэлдэхүүнтэй баг PCR шинжилгээ авах үед дөрвөн алба хаагч ажиллалаа гэж УОК-ын Шуурхай штабаас мэдээллээ.