Өглөө.мн Шинэ өглөө, Шинэ мэдээлэл
Монгол хүүхдүүд НҮБ-ын дүрмийг анх удаа монгол бичгээр урласан бүтээлийг гардуулах ёслол Хүүхдийн урлан бүтээх төвд боллоо.
Монгол Улс НҮБ-ын бүрэн эрхт гишүүн болсны 60 жилийн ойг тохиолдуулан НҮБ-ын дүрмийг үндэсний монгол бичгээр, тэр дундаа бийрээр уран бичих аяныг “Монгол дуу, дүрс сан” ТББ-аас санаачлан Үндэсний мэдээллийн МОНЦАМЭ агентлагийн “Хүмүүн бичиг” сонин, Бичиг соёл төв, олон улсын уран бичлэгийн холбоотой хамтран зохион байгуулав.
Аяны хүрээнд Улаанбаатар хот, 21 аймгийг төлөөлсөн 11-19 насны уран бичээч 37 сурагч НҮБ-ын 111 зүйл бүхий дүрмийг хуваан авч А3 хэмжээтэй тусгай цаасан дээр бийрээр уран бичсэнийг хавтаслан ном болгосон байна. Энэхүү бүтээлийг Монгол Улсад суугаа НҮБ-ын суурин зохицуулагч Тапан Мишрад гардуулав.
