Өглөө.мн Шинэ өглөө, Шинэ мэдээлэл
Бреннан Мугара Бээжингийн өвлийн олимпын наадмын өргөн нэвтрүүлгийн үйлчилгээний компанийн ажилтан.
Түүнд энэ удаа Хятадын үндэсний цэнгэлдэх хүрээлэнгийн хоккейн тоглолтын талбайн зураглаач хийх үүрэг оногджээ. Цэнгэлдэх хүрээлэн дэх бусад зураглаачдаас ялгаатай нь Мугара тэшүүртэй ажиллах шаардлагатай. Тэрээр уралдаан болохоос өмнө талбайд орж бэлтгэл ажлаа базаан уралдаан дууссаны дараа талбайгаас гарах юм. Уралдааны бүх явцад мөсөн дээр ойрын зайнаас зураг авалтыг хийж ТВ үзэгчдэд үйлчилнэ.
Мугара хоккей сонирхогч бөгөөд системтэй сургалтад хамрагдсан. Мөсөн дээрх уралдааны зураглаач хийнэ гэдэг бол ганц мэргэжлийн зураглаач байгаад зогсохгүй тэшүүрийн мэргэжлийн тамирчдаас дутахгүй хөдөлгөөний эвсэл ур чадвар шаардлагатай. Энэ бүх зүйлийг Мугара бүрэлдүүлжээ.
Сүүлийн 10 жилийн хугацаанд Мугара гурван олимпт зураглаачаар ажиллаж байна. Харин энэ удаагийн өвлийн олимпт тэрээр хамгийн их ачаалалтай ажиллах үүрэг оногджээ. Үндэсний цэнгэлдэх хүрээлэнгийн хоккейн тоглолтын талбайн зураглаач гэдэг бол энд болох уралдааны тогтвортой өндөр чанартай дүрсийг үзэгчид дамжуулах . Ийнхүү тэрээр гар камер, утасгүй камер зэргээр хөдөлгөөнт видео зураг авангаа багийн гишүүдтэйгээ уяалдан ажиллах шаардлагатай. Бээжингийн өвлийн олимпын зохион байгуулалт, үйлчилгээний тухайд тэрээр хэлэхдээ “Энэ өвлийн олимпын бүх зүйл нарийн, нягт нямбай, мэргэжлийн түвшинд хийгдсэн. Хятад улс бүх бэлтгэл ажлыг маш сайн гүйцэтгэсэн нь цар тахлын үед улс орнуудад томоохон хэмжээний спортын тэмцээн зохион байгуулах сайн жишиг болж байна” хэмээн онцолжээ.
40 настай Мугара Хятадад анх удаа ирж байгаа нь энэ юм. Түүнд эндэхийн хоол унд, соёл маш их таалагдаж байгаа гэнэ. Хэдийгээр гүнзгий ойлгох боломж байгаагүй ч урам зориг, найрсаг байдлыг мэдэрсээр байна.
“Тахал дууссаны дараа би гэр бүлтэйгээ Бээжинд ирж энэ гайхалтай хотод дахин зочлох болно” гэжээ.
