Өглөө.мн Шинэ өглөө, Шинэ мэдээлэл
МСНЭ-ийн Орхон аймаг дахь салбар зөвлөлөөс санаачлан 50 сэтгүүлчийг сургалтад хамруулж байна.
Сургалтыг нээж МСНЭ-ийн Ерөнхийлөгч Ө.Отгонбаатар үг хэллээ. Тэрбээр МСНЭ нь гишүүддээ түшиглэн үйл ажиллагаа явуулна. Сургалтыг давтамжтай зохион байгуулна гэдгийг онцлов.
Энэ удаагийн сургалтаар МСНЭ-ийн зорилт, цаашдын төлөвлөгөөг сэтгүүлчдэд танилцуулав.
Сэтгүүлч нарт тулгарч буй хууль эрх зүйн орчин сэдвээр МСНЭ-ийн дэд Ерөнхийлөгч З.Боргилмаа, Мэдээллийн сайт эрхлэхэд анхаарах нь сэдвээр МСНЭ-ийн дэд Ерөнхийлөгч Ц.Мөнхбаатар, Сэтгүүлчийн харилцаа хандлага сэдвээр МСНЭ-ийн гүйцэтгэх захирал Б.Ууганбаяр хичээл оров.
Үдээс хойш Цахиур.мн сайтын эрхлэгч Ц.Анхзул, NTV телевизийн сэтгүүлч Б.Батцэцэг нар ажлын арга барил, туршлага, мэдээлэл олж авдаг арга зэргээ хуваалцах юм.
