Өглөө.мн Шинэ өглөө, Шинэ мэдээлэл
Өвлийн аялал жуулчлалыг хөгжүүлэх зорилготойгоор уламжлал болгон зохион байгуулагддаг “Бүргэдийн баяр” наадам 13 дахь жилдээ “Чингис Хааны Хүрээ” аялал жуулчлалын цогцолборт 3-р сарын 4, 5-ний өдрүүдэд зохион байгуулагдах гэж байна.
“Бүргэдийн баяр 2023” наадмыг үзэхийг хүссэн иргэдэд зориулж УЛААНБААТАР автобус 3-р сарын 4,5-ний өдрүүдэд үнэ төлбөргүй үйлчлэхээр болжээ.
Тодруулбал, Сүхбаатарын талбайн урд талын авто зогсоолоос – “Чингис Хааны Хүрээ” аялал жуулчлалын цогцолбор руу үнэ төлбөргүй иргэдэд үйлчилнэ.
Хотоос хөдлөх цаг: 10:00
Чингисийн хааны хүрээнээс хөдлөх цаг: 18:00
Холбоо барих утас: 99882020
Энэ жилийн “Бүргэдийн баяр-2023” наадмын Ерөнхий зохион байгуулагчаар Нийслэлийн Аялал жуулчлалын газар, “Чингис Хааны Хүрээ” аялал жуулчлалын цогцолбор, Монголын бүргэдчид холбоо ажиллаж байгаа бол Хамтран зохион байгуулагчаар Казак шувуулахуйн холбоо, Баян-Өлгий аймгийн нутгийн зөвлөл, Монголын шувуулахуйн холбоо Дэмжигч байгууллагаар Байгаль орчин, аялал жуулчлалын яам, Баян-Өлгий аймгийн Соёл урлагийн газар, Бүргэд хамгаалалтын алба, Хушхан брэнд ажиллаж байгаа юм.
