АШУҮИС-ийн хоёр багш Япон улсад докторантурт суралцахаар боллоо

Анагаахын шинжлэх ухааны үндэсний их сургууль, Япон улсын Жичи анагаах ухааны их сургууль хоорондын хамтын ажиллагааны хүрээнд АШУҮИС-ийн Анагаах ухааны сургуулийн Зүрх судлалын тэнхимийн багш Н.Бат-Эрдэнэ,  Био-Анагаахын хүрээлэнгийн судлаач Т. Сувд нар Жичи анагаах ухааны сургуулиас зарлагдсан төгсөлтийн сургалтын сонгон шалгаруулалтад тэнцэж, Япон улсад докторантурт суралцахаар боллоо.

 Тэтгэлэгт хамрагдаж, Япон Улсыг зорихоор болсон багш, судлаачдыг АШУҮИС-ийн ректор Б.Дамдиндорж  хүлээн авч уулзаж, суралцах эрхийн батламжийг гардуулж, их сургуулийнхаа нэр хүндийг өндөрт өргөн, хичээн суралцахыг захиж, цаашдын эрдэм судлалын ажилд нь амжилт хүсэж, баяр хүргэлээ.