Өглөө.мн Шинэ өглөө, Шинэ мэдээлэл
УНТЭ-ийн ерөнхий захирал, анагаах ухааны доктор Б.Хишигжаргал БНСУ-ын төлөөлөгчдийг өчигдөр /2024.07.16/ хүлээн авч уулзлаа.
Уулзалтад БНСУ-ын талаас “Эль” эмнэлгийн гүйцэтгэх захирал Чу Ги Чол, “Чамчуван” эмнэлгийн Шүдний эмнэлгийн эрхлэгч Пак Сэ Хүн болон бусад холбогдох албаны хүмүүс, УНТЭ-ийн талаас ерөнхий захирал, анагаах ухааны доктор Б.Хишигжаргал, Сургалт, эрдэм шинжилгээ, инноваци эрхэлсэн дэд захирал П.Анхтуяа, Гадаад харилцаа хариуцсан мэргэжилтэн А.Гэрэлтуяа нар оролцов.
Улсын нэгдүгээр төв эмнэлэг БНСУ-ын “Эль”, “Чамчуван” эмнэлгүүдтэй 2022 онд “Хамтын ажиллагааны санамж бичиг”-ийг байгуулсан бөгөөд энэ удаагийн уулзалтаар хоёр тал сургалт, эрдэм шинжилгээний чиглэлээр хамтран ажиллах талаар санал солилцсон юм.
