Өглөө.мн Шинэ өглөө, Шинэ мэдээлэл
“Парис-2024” зуны олимпын наадмын чөлөөт бөхийн төрөлд МУГТ Д.Отгонжаргал хүрэл медалийн төлөө барилдаж, ялагдал хүлээсэн.
Өнөө өглөө МУГТ О.Насанбурмаа өөрийн фейсбүүктээ Д.Отгонжаргалын талаар “Дэлхийн 3 медальтай тамирчин өнөөдрийг хүртэл өөрийн гэсэн орох оронгүй л явж байна. Энэ тал дээр анхаармаар юм. Энэ охинд амьдралын баталгаа хэрэгтэй. Санаа зоволтгүй бэлтгэл хийхэд энэ бол маш том хөшүүргэ” юм хэмээн байр сууриа илэрхийлсэн.
Тэгвэл Монгол Улсын Дархан аварга Н.Батсуурь МУГТ Д.Отгонжаргалд 2 өрөө байр бэлэглэж буйгаа фейсбүүк хуудсаараа дамжуулан мэдэгдсэн юм.
Тэрбээр “Олон улсад Чөлөөт бөхөөр улсынхаа нэрийг өндөрт өргөж яваа Д.Отгонжаргал дүүдээ 2 өрөө байр бэлэглэж байна.” гэжээ.
