Өглөө.мн Шинэ өглөө, Шинэ мэдээлэл
ЮНЕСКО-ийн дэргэдэх Хиймэл оюун ухааны олон улсын судалгааны төв “IRCAI” болон Олон улсын хиймэл оюун ухааны ёс зүй, зохицуулалтын төв (ICAIRE) нь Саудын Арабын Их өгөгдөл, хиймэл оюун ухааны газартай (SDAIA) хамтран Олон улсын хиймэл оюун ухааны анхдугаар олимпиадыг (IAIO) 9-р сарын 08-12-ны өдрүүдэд Саудын Арабын Хаант Улсын нийслэл Рияд хотод зохион байгуулав.
Энэхүү олимпиадад 25 улсын 90 орчим сурагч оролцсон өрсөлдсөн бөгөөд Монгол Улсаа төлөөлөн Болгар улсын Бургас хотод болсон хиймэл оюуны олимпиадад оролцсон баг оролцож Оюунлаг сургуулийн сурагч Н.Батсүх Алтан медаль, Хобби сургуулийн сурагч Э.Тэнүүн хүрэл медаль хүртлээ.
Багийн бусад хоёр гишүүн болох Эрхэт эрдэм сургуулийн сурагч Ч.Ирмүүн, Сант сургуулийн сурагч Т.Энгүүн нар хүрэл медаль авахад нэг оноо дутаж шагналт байранд орлоо.
Монголын багийн ахлагчаар МУИС-ийн Мэдээллийн технологи, электроникийн сургуулийн багш З.Цолмон, дэд ахлагчаар тус сургуулийн багш Г.Амарсанаа нар ажиллалаа.
