Өглөө.мн Шинэ өглөө, Шинэ мэдээлэл
Иргэд цахилгааны төлбөрийн үлдэгдлээ шалгахын тулд хэрэглэгчдэд үйлчлэх төвийг зорьдог цаг түүх болон үлдлээ. Өөрөөр хэлбэл хэрэглэгч цахилгааны төлбөрөө шалгахыг хүсвэл үүрэн холбооны бүх оператороос 137004 дугаарын утсанд хэрэглэгчийнхээ кодыг мессежээр илгээснээр төлбөрийн мэдээллээ авах боломжтой болжээ. “Улаанбаатар цахилгаан түгээх сүлжээ” компани иргэдийн цагийг хэмнэх, үйлчилгээгээ шуурхай байлгах зорилгоор ийм үйлчилгээг нээж байгаа бөгөөд төлбөрийн үлдэгдлээ шалгахад мессежийн энгийн тарифаар авах аж. Мөн тус компани хэрэглэгч, хангагчийн харилцааг шуурхай зохицуулах зорилгоор дуудлагын төв байгуулсан бөгөөд 70047004 утсаар хэрэглэгчид холбогдон өөрийн хүссэн мэдээлэл, лавлагааг авч, санал гомдлоо ирүүлж болох юм байна.
