Нийслэлийн ерөнхий боловсролын 25.162 хүүхэд “Сүүн дархлаа” хөтөлбөрт хамрагдана

Хүүхдийн өсөлт, хөгжлийг дэмжих, бие махбодын дархлааг сайжруулах зорилгоор “Сүүн дархлаа” зорилтот хөтөлбөрийг 2024 оны тавдугаар сарын 1-ний өдрөөс хэрэгжүүлж эхэлсэн.

2025 онд нийслэлийн төрийн өмчийн ерөнхий боловсролын 13 сургуулийн 19.300 хүүхэд уг хөтөлбөрт хамрагдаж, 7 хоногийн 2-3 өдөрт сүү ууж байна. Түүнчлэн “Үдийн хоол” хөтөлбөрийн хүрээнд нийслэлийн төрийн өмчийн ерөнхий боловсролын 5 сургуулийн 5862 хүүхдэд 7 хоногийн 1-2 өдөрт сүү өгдөг. Ийнхүү 2025-2026 оны хичээлийн жилд нийслэлийн ерөнхий боловсролын 18 сургуулийн 25.162 хүүхэд “Сүүн дархлаа” хөтөлбөрт хамрагдана.