Чингисийн талбайгаас 31-ний орой иргэдэд 28 автобус үйлчилнэ

Нийслэлийн тээврийн газраас иргэдийн төв талбай дээр ирж он гаргах болсонтой холбогдуулан 31-ний орой Чингисийн тайлбайгаас 28 автобусыг иргэдэд үйлчлүүлэхээр төлөвлөжээ.

Тодруулбал, энэ сарын 31-нд болох “Улаанбаатарын мөнгөн үдэш” шинэ жилийн цэнгүүний дараа талбайн гурван талд А, B, C зогсоолуудыг ажиллуулах бөгөөд А зогсоол буюу талбайн урд талын үндсэн зогсоолоос есөн автобус зүүн чиглэлд, B зогсоол буюу нийслэлийн Засаг даргын Тамгын газрын хойд талаас баруун болон урд чиглэлд 14 автобус, С зогсоол буюу Соёлын төв өргөөний хажуу талаас хойд чиглэлд 5 автобус үйлчлүүлэх юм байна. Эдгээр автобуснууд шинэ шинэ жилийн цэнгүүн дууссаны дараа ойролцоогоор 00:30 цагаас хойш иргэдийг тээвэрлэх ажээ.