Алдарт Чарли Чаплины хүү, нугараач Монгол бүсгүйтэй гэрлэжээ

Алдарт жүжигчин Чарли Чаплины насан эцэслэх хүртлээ хамт амьдарсан Уна О Нилийн Чаплинд төрүүлж өгсөн найманы хүүхдийн 5 дахь нь болох Южин Чаплин Монгол уран нугараач эхнэртэй юм байна. Тэд хоёр ихэр охинтой бөгөөд Южин Чаплин өнгөрсөн оны 11- сард БНХАУ-ын Учао хотноо болсон олон улсын циркчдийн тэмцээний үеэр Монголын уран бүтээлчдийг зорин уулзаж, монгол гэргийтэй гэдгээ хэлжээ.

Южин Чаплин дуу бичлэгийн студийн инженер, баримтат киноны найруулагчаар ажилладаг аж.

Чарли Чаплин нь дөрвөн эхнэр, 12 хүүхэдтэй байсан ба Уна О Нил нь Нобелийн шагналт жүжгийн зохиолч Южин О Нилийн охин байжээ. Алдарт хошин жүжигчний хамгийн сүүлчийн сонголт болсон эл бүсгүй аавтайгаа тангараг тасран байж Чаплинтай ханилсан гэдэг.