Өглөө.мн Шинэ өглөө, Шинэ мэдээлэл
Эрхэлсэн ажилтай, сар бүр улсдаа татвар төлдөг иргэд байр орон сууц, үл хөдлөх хөрөнгө худалдан авсан, хувьдаа орон сууцны барилга бариулсан, сургалтын төлбөр төлсөн бол тодорхой хэмжээний мөнгөө эргүүлэн авах боломжтой.
Хуульд заасны дагуу иргэд татвараа хэрхэн төлж байснаас хамааран гурван сая хүртэл төгрөгийн буцаан олголтыг тооцоолуулж жил дамнуулан эсвэл тухайн жилдээ багтан авах боломжтой болно. Жишээлбэл 2013 онд шинэ орон сууц худалдан авсан, сургалтын төлбөр төлсөн бол энэ жил хөнгөлөлтөө эдэлж, буцаан олголтоо авах юм.
Энэ жилийн хувьд татварын хөнгөлөлт эдлэхэд бүрдүүлэх материалыг дүүрэг бүрийн татварын хэлтэст энэ сарын 1-нээс хоёрдугаар сарын 15-ныг хүртэл хүлээн авах аж. Татварын хөнгөлөлт эдлэхэд бүрдүүлэх материалын талаар Татварын албаны 11-324647 утсаар болон www.mta.mn сайтад нэвтрэн мэдэх боломжтой юм.
