Д.Арвин гишүүний орц “гого”, бусдынх нь “баба”

Төрийн түшээгээр дөрөв дэх удаагаа сонгогдоод байгаа Д.Арвин гишүүнийг   тойрсон  элдэв  яриа  энэ парламентын хамгийн шуу­гиантай үйл явдлын нэг болоод байгаа. Тэрбээр МАН-аас дөрөв дэх удаагаа 2012 оны сонгуульд өр­сөлдөн УИХ-ын гишүүний тан­гаргаа өргөөд долоо ч хонолгүй АН руу шилжсэн  нь улстөрийн хүрээнд содон үйл явдал болсон. Аль намд элсэж, юуг сонгох нь хүний эрх. Тиймээс улстөрч ч бас хүн юм болохоор МАН-аас гарч АН-д элсэх нь түүний дурын асуудал биз.

Гэтэл эрхэм гишүүн маань аж амьдрал дээр ч олныг гайх­шируулсаар явна. Учир нь Баян­зүрх дүүгийн … дугаар хо­роонд байрлах орон сууцныхаа зөвхөн өөрийн орцны хэсгийн машин зам, явган зам гээд хэн ч харсан “гого” бай­на гэж хэлэхээр засварлуулаад, бусдыг нь ямар ч засвар хийлгүй орхисон байх юм. Мөнгөтэй хүн лаагаа мэрнэ үү, луувангаа иднэ үү хэнд ч хамаагүй гэдэг. Тиймээс  Д.Арвин гишүүн хаа­на юугаа хийх нь түүний л эрх юм хойно, одоо яая гэх вэ дээ.