Энэтхэгчүүд эрүүл байхын тулд үнээний шээс уудаг

Энэтхэгт дэлгэрсэн ин­дус шашинтнуудын ба­талж буйгаар үнээний шинэхэн шээс хорт хавдар зэрэг бү­хий л өвчнийг анагаах увдистай гэнэ.

Индус шашинтнууд үх­­рийг ариун амьтан гэж үз­­дэг. Тиймээс үнээнээс гарсан шээсийг бурхнаас өгч буй эмчилгээний ра­шаан гэж хүртдэг аж.

42 настай Жайрам Син­гал сүүлийн 10 жилийн турш үнээний шээс ууж бай­на. Тэрбээр боломж олдвол энэхүү амьтны шээ­сийг эрүүл мэндэд ашиг­тай хэмээн бүртгүүлэх бо­­­дол­той байгаа гэнэ. Жай­рам Сингал “Би чих­рийн шижинтэй байсан. Харин үнээний шээс ууж эхэлснээс хойш цусан дахь саахарын түвшин маань хэвийн хэмжээндээ очсон. Надад хэн нэгэн үнээний шээс ашигтай гэж зөвлөсөн болохоор 10 гаруй жилийн турш үнээний шээс ууж байна даа” хэмээжээ.

Энэтхэгийн хойд хэсэгт орших Агра хотод хэдэн арван хүн үхрийн байранд цугларч, халуун шээсэнд дугаарладаг аж. Энэ талаар Сингал “Энд маш олон хүн ирдэг. Сүүлийн үед хүмүүсийн тоо улам нэмэгдэж байна” хэмээн ярив.

Тэд үнээний шээсийг хорт хавдар, чихрийн ши­­жин, хавдар, сүрьеэ, хо­доод­ны өвчин зэрэг олон асуудлаас урьдчилан сэр­гийлнэ гэж үздэг байна. Түүнчлэн үс халцрахаас сэр­­гийлэх хамгийн найд­вартай аргаар энэ эмчилгээг нэрлэжээ. Индус шашны гэгээнтэн Рамещ Гупта “Энэ хорвоо ертөнцөд хоёр л зүйл ариун байдаг. Үүний нэг нь Ганга мөрний ус бол нөгөөх нь ариун үнээний шээс юм” хэмээсэн байна.

Жайрам Сингал саях­наас бүтээгдэхүүнээ суртал­чилж, үнээний шээсийг ху­далдаанд гаргахаар тө­лөвлөжээ. Тэр­бээр үнээний шээсээр нүд­ний дусаалга, ходоодны эм, шүдний оо, саван, энгэсэг хийж болно гэж үзсэн аж.