Миссын тэмцээнд анх удаа сая долларын усны хувцас зориулав

Бүгд найрамдах Доминикан улсын мисс “Дэлхийн мисс”-ийн тэмцээнд зориулан сая долларын үнэтэй усны хувцас өмсөхөөр болжээ.  Энэ нь дэлхийн миссийн тэмцээнд зориулан анх удаагаа ийм өндөр үнэтэй усны хувцас өмсөж буй тохиолдол юм байна. Тус усны хувцсыг үнэт эдлэлээрээ алдартай Fratelli Dinacci and Yamamay хамтран бүтээсэн бөгөөд 800 ширхэг алмаз, маргад эрдэнэ, цагаан алтаар урлажээ. Мөн дан гараар оёсон гэдгээрээ илүү үнэд хүрч байгаа аж.